‘धुम ३’ मा अभिनय गर्नु अघि आमिरले राखेको शर्तको खुलासा !

बलिउड नायक आमिर खान आफु अभिनित सिनेमालाई कुनै पनि तरिकाले हिट बनाउन खप्पिस छन् । आफ्नो भुमिकालाई निक्कै मिहिनेतका साथ निर्वाहा गर्न सक्ने आमिरको एउटा रहस्य चुहिएको छ ।आमिरले ‘धुम ३’ मा अभिनय गर्नु अघि यसको अर्को पार्ट नबनाउने शर्त यशराज ब्यानरसँग राखेका थिए । ‘धुम ४’ नबन्ने भएमात्र ‘धुम ३’ खेल्न आमिर राजी भएको भारतिय संचारमाध्यहरुले जनाएका छन् ।

आमिरले ‘धुम ३’ पछि यसको अर्को सिक्वेल नबनाउन किन शर्त राखे यो उनले नै जान्ने कुरा हो । ‘धुम ३’ मा आमिर खलपात्रको भुमिकामा देखिदैछन् । उनका साथमा कटि्रना कैफ, अभिषेक बच्चन, उदय चोपडा लगायतका कलाकारले चलचित्रमा अभिनय गरेका छन् ।