२२ बैशाख, कैलाली । तराई मधेश लोकतान्त्रिक पार्टीका अध्यक्ष महन्थ ठाकुरले आगामी संविधान सभा निर्वाचनमा एकीकृत माओवादीसंग सहकार्य नहुने बताउनु भएको छ । ठाकुरले संविधानसभा चुनावमा मधेसवादी दलहरुबीच चुनावी गठबन्धन हुने स्पष्ट पार्नु भयो ।कैलालीमा आइतवार पत्रकारहरुसंग कुराकानी गर्दै उहाँले एमाओवादीसँग सविधान सभाको चुनावमा गठबन्धन वनाएर जाने विषयमा कुनै छलफल नभएको समेत स्पष्ट पार्नुभयो । निर्वाचनको विकल्प नरहेको बताउँदै उहाँले मंसिरमा निर्वाचन हुने ठोकुवा गर्नभयो । ठाकुरले बर्तमान सरकार चुनावी गराउनकै लागि गठन भएकाले चुनाव हुनेमा आशंका नगर्न दलहरुलाई आग्रह गर्नभयो ।
ठाकुरले निर्वाचनको विरोध गरिरहेका दलहरुसँग वार्ता चलिरहेकाले निर्वाचन मितिको घोषणा हुन ढिलाई भएको वताउनुभयो । उहाँले आन्दोलनरत दलहरुसंग कुरा मिल्नासाथ चुनावको मिति घोषणा टुङगो लाग्ने विश्वास ब्यत्त गर्नुभयो ।
No comments:
Post a Comment